Финансиката ситуација во Вардар е веќе добро позната на македонската спортска јавност, но црвено-црните и понатаму максимално се борат и даваат се од себе да го вратат клубот во првата лига. Во недела Вардар го очекува еден од најважните натпревари во сезоната против Воска Спорт во Охрид.

За фудбалерите да бидат максимално спремни за овој натпревар помогнал капитенот на македонската фудбалска репрезентација, Стефан Ристовски. Благодарение на неговата помош тимот на Вардар ќе биде во карантин пред дербито,

„Фудбалскиот клуб Вардар јавно искажува благодарност до капитенот на Македонската фудбалска репрезентација, “Вардаровото дете” Стефан Ристовски за несебичната помош и поддршка за својот матичен клуб благодарение на која експедицијата на Вардар ќе замине во карантин пред претстојниот важен натпревар во недела каде во мир и соодветни услови ќе се подготвува за предизвикот кој ги очекува“, објави Вардар.

На табелата во ВМФЛ Вардар е второпласиран со три бода заостанување зад лидерот Воска, Гостивар со бод помалку е на третата позиција.