Српскиот водител Огњен Амиџиќ и неговата нова партнерка, новинарката Мина Наумовиќ, го очекуваат нивното прво заедничко дете.

Ова ќе му биде второ дете на водителот, кој во првиот брак со манекенката Данијела Димитровска го доби синот Матеја. Тие беа заедно нешто повеќе од 10 години, а се разделија минатата година.

„Вистина е дека јас и Мина ќе станеме родители! Не планиравме веста да стигне до јавноста сега. Но, штом веќе дојде, нема да криеме дека и двајцата сме посреќни од кога било и дека едвај чекаме да дојде нашето бебе. Во наредниот период ќе има можност да разговараме за сѐ, ви благодариме на разбирањето“, изјави водителот за „Курир“ .