Посно слатко задоволство: Рецепт за чизкејк со боровници
Денес, во духот на велигденските пости, ви носиме предлог за вкусен посен десерт – чизкејк со боровници.
Препорачано
Станува збор за посна, односно веганска верзија на класичниот чизкејк, во која наместо маскарпоне или крем сирење се користат индиски ореви, а наместо шлаг – кокосова павлака, пишува „Пун кофер“.
Овој чизкејк не мора да се пече. Сите состојки се подготвуваат во добар блендер или сечко, а најтешкиот дел од процесот е чекањето десертот да се замрзне.
Потребни состојки:
- 250 г индиски ореви
- 150 г бадеми
- 150 г урми
- 100 г боровинки
- 100 г кокосова павлака
- 2 лажици кокосово масло
- 2 лажици јаворов сируп / мед
- 1 лажичка екстракт од ванила
- ½ лимон
Подготовка:
Потопете ги индиските ореви во вода една вечер пред подготовката или кратко сварете ги во врела вода (околу 10 минути) за да омекнат.
Направете ја подлогата за чизкејкот: сомелете ги бадемите и измешајте ги со урмите. Добиената леплива смеса цврсто притиснете ја во калап обложен со хартија за печење. Ставете во замрзнувач за да се стегне.
Подгответе ја кремата: исцедете ги натопените/варените индиски ореви и изблендирајте ги заедно со кокосовата павлака, кокосовото масло, јаворовиот сируп, екстрактот од ванила и свежо исцедениот сок од половина лимон. Пробајте ја кремата. Ако ви недостига сладост, додадете уште малку јаворов сируп (или мед).
Истурете ја смесата врз замрзнатата подлога, а одозгора наредете боровинки.
Вратете го чизкејкот во замрзнувач на околу еден час за да се стегне.
