Пред речиси две недели долгогодишниот партнер на актерката Сандра Булок, фотографот Брајан Рендал почина на 57-годишна возраст, по тригодишна борба со Амиотрофична латерална склероза.

Сега, актерката наводно ќе отпатува на Бахамите, за да ја расфрли пепелта на саканиот, на местото кое им го одбележало животот, пишува „Дејли мејл“.

„Местото беше толку посебно за двајцата. Го зазедоа целиот остров за да бидат тоа што се. Тоа беше место каде што тие споделија некои од своите најсреќни моменти со своите деца и пријатели“, изјавил извор близок до актерката.

Тој додал дека заљубениот пар на Бахамите поминувал со недели. Поради тоа, има многу причини и смисла да се збогува со него токму таму.

Бахамите се местото каде парот реши да ја прослави својата љубов, а таму одржаа и неформална церемонија на која ги размениле заветите пред своите семејства.

Иако размената на заветите не била официјална, тие сакале да им покажат на децата дека нивната врска е вечна.

Инаку, Сандра и Брајан  се запознаа во 2015 година, кога актерката го ангажираше Рендал, како успешен фотограф, да ја фотографира забавата за петтиот роденден на нејзиниот син Луис. Кратко потоа, тие ја започнаа нивната љубовна врска.

Актерката посвои две деца, синот Луис (13) во 2010 година, а ќерката Лајла (8) во 2015 година, а ја прифати и ќерката на Брајан како своја.

Тие ја чуваа својата приватност откако на Рендал му беше дијагностицирана болеста, но веста за неговата прерана смрт одекна низ светот. Почина по тешка борба на 57-годишна возраст.

Почина долгогодишниот партнер на Сандра Булок, три години се бореше со АЛС

Почина долгогодишниот партнер на Сандра Булок, три години се бореше со АЛС