Осама Бин Ладен ѝ се јавил на мајка му во Сирија на 10 септември за да ѝ каже дека можеби нема да можат да се видат извесно време оти ќе се случи нешто големо што ќе им ја прекине комуникацијата, пишува Курир.

Мухамед бин Ладен и неговата сопруга Алиа Ганем добиле син Осама („млад лав“ на арапски) во Ријад на 10 март 1957 година. Тој би 17-то од 52 деца што ги имал постариот Бин Ладен со многу различни жени.

Таткото на Осама бил најбогатиот градежен магнат во Саудиска Арабија и близок пријател на кралското семејство Сауди.

Кога Осама имал три години, мајка му се развела од Мухамед, а за детето се грижел вториот сопруг на мајката во Саудиска Арабија. Учел во Џеда, а на Муслиманските браќа им се приклучил кога бил многу млад.

Потоа заминал за Пакистан, па во Авганистан каде по советската инвазија се поврзал со различни исламски радикали. Тој бил одговорен џихадот да се одвива непречено за време на советската окупација.

За Бин Ладен малку се знае освен дека бил финансиер на исламски радикални и терористички групи. ЦИА прибирала информации за него, но информациите што и добила за подготвувањето голем напад на 11 септември не ги поврзала со американската територија.

Неговата мајка Алија, во интервју за Гардијан, вели дека нејзиниот син Осама бил многу добар човек, сѐ додека не се запознал со „некои луѓе“.