Реконструкцијата на булеварот Киро Глигоров во општина Гази Баба на потегот од мостот „Близнак“ до крстосницата со улицата Перо Наков, која започна пред една година е во завршна фаза. Како што информираат од Град Скопје на терен се изведени обемни работи за реконструкцијата на коловозите, а е изведена и нова атмосферска и фекална канализација.

 Извршена беше реконструкција на булеварот во должина од 1.450 метри. Во периодот на интензивирањето на градежните работи, најнапред беше реконструиран коловозот во делот од улицата Перо Наков до „Естекада“ со изградба на фекална канализација на западниот дел, по што се изгради атмосферската канализација на источната страна – велат од Градот.

Изведената е атмосферска канализација со вкупна должина од 682 метри и нова фекална канализација во должина од 1.218 метри, која треба да се поврзе со приклучна шахта од колекторот, кој е инвестиција на Министерството за финансии.

Поради налози за стопирања на работите и покренат судски спор поради несогласувања во фази на изградба предизвикани од претходното раководство, проектот доцнеше со изградба, но со засилен ангажман за надминување на предизвиците конечно се завршуваат работите на санирањето на асфалтот на тој дел на булеварот – објаснуваат од Град Скопје.