Поради протест на вработените во судската и обвинителската администрација, Фондот за здравство и Народниот правобранител, денеска ќе има посебен сообраќен режим во центарот на Скопје.

Министерството за внатрешни работи ги известува граѓаните на Скопје дека во периодот од 11.00 до 14.30 часот Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на централното подрачје на град Скопје поради одржување на два најавени протести – се вели во соопштението.

За таа цел МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат протестите.