Милан објави дека Рафаел Леао го продолжи договорот со Милан кој ќе трае до 30 јуни 2028 година.

Рафаел Леао го облече дресот на „росонерите“ во 2019, до сега запиша 41 гол и 29 асистенции во 162 настапи.

Португалскиот напаѓач минатата сезона беше прогласен за најдобар играч во Серија А.

– Среќен одам на одмор, очекувам многу со Милан во иднина. Дали ќе го сменам бројот 17 на дресот? Ќе видиме, за мене е посебна бројка – вели Леао.

Милан одлучи откупната клаузула на играчот да биде 175 милиони евра, а Португалецот би можел да заработува со бонуси седум милиони евра по сезона.