Порше ги финализира плановите за изградба на фабрика за погон за електрични велосипеди во Хрватска, дознава Јутарњи лист, објави Хина.

Тоа ќе биде првата фабрика на германскиот автомобилски гигант во Хрватска и прва гринфилд инвестиција во локалното индустриско производство. Ова е втора значајна инвестиција во локалното производство во областа на мобилноста, автомобилската индустрија, откако групацијата Римац најави и почна да гради сопствена фабрика во Света Недеља кај Загреб.

Сè уште не се познати деталите за фабриката за електрични велосипеди на Порше. Поради својот фокус на капацитетите и брендовите што ги има претходно, како што се Порше и ФАЗУА, германскиот гигант ќе ја цица технологијата и знаењето создадени во Греур Бајкс и ќе го затвори тој бренд. Сето ова се случува две години откако Порше Груп преку Порше eБајк Перформанс го презеде стартапот Греур Бајкс од Maте Римац. Тоа беше една од најголемите аквизиции во Хрватска досега, која се проценува на 13,3 милиони евра.