Еурофарм Пелистер остана без освоен бод и по натпреварот против Алборг во рамките од 13. коло во Лигата на шампионите. Битолскиот тим не можеше да парира на Данците кои славеа победа од четири разлика (28:33).

Имаа желба, „пелистерци“ од самиот старт да дојдат до првиот бод во најсилното европско натпреварување, меѓутоа сето тоа беше залудно. Македонскиот шампион никако не успеваше да парира на расположениот противник кој уште од првото полувреме стекна предност од 14:17.

Во второто полувреме данскиот состав рутински ја одржуваше предноста и на крајот славеше победа со разлика од четири гола, иако во еден момент имаа и седум гола разлика водство.

Не му помогна на Еурофарм Пелистер и одличниот настап на Филип Кузмановски кој постигна четири гола од 11 обиди. Урош Борзаш го заврши натпреварот со шест гола, а четири имаше Жарко Пешевски. Бартхолд и Бјорнесен во редовите на Алборг постигнаа по пет гола.

Во последното коло од групната фаза Пелистер ќе игра против Клостад на кој му гостува наредната среда.