Фуксе Берлин обезбеди пласман во големото финале на Лигата на шампионите со убедлива победа над францускиот Нант од 34-24, а еден од најзаслужните за триумфот поранешениот голман на Вардар, Дејан Милосављев.

Иако уште по осум минути останаа без својот најдобар ракометар Матијас Гидсел, „лисиците“ од Берлин не дозволија тоа да им ја наруши играта. Напротив, германскиот шампион целосно го контролираше натпреварот, не дозволувајќи Нант ниту во еден момент да дојде до водство.

Со неколку брзи серии и цврста одбрана, Фуксе на полувреме замина со предност од шест гола (18-12), а контролата ја одржуваше и во продолжение, па на крајот сосема заслужено стигна до убедливап оебда.

Милосављев блескаше меѓу стативите со 15 интервенции и ефективност од 38%, додека Тим Фреихофер беше најефикасен со 10 гола. Кај Нант, Николас Торнат беше најпрецизен со шест погодоци.

Фуксе Берлин во финалето ќе се сретне со победникот од второто полуфинале меѓу Барселона и Магдебург, кое се игра денеска од 18:00 часот.