На пет кола пред крајот клубот од „Емилио Ромања“ до пласман во највисок ранг стигна со вчерашното реми на Мантова и Специја (2-2).

Сасуоло кој од клупата го предводи легендарниот Фабио Гросо има недостижни 16 бодови предност во однос на Специја, па така го обезбеди враќањето меѓу најдобрите во Италија.

Минатата сезона Сасуоло заврши на претпоследното 19. место во Серија А, а Гросо го презеде клубот во јуни 2024 година.

Пред доаѓањето во Сасуоло Гросо три месеци го водеше Олимпик Лион. Како фудбалер Гросо успеа со Италија да дојде и до титулата на Светското првенство во 2006 година.