Актерката Меган Фокс неодамна ја прекина врската со музичарот Машин Ган Кели, неколку недели откако откри дека го чекаат своето прво дете. Поранешниот сопруг на актерката, актерот Брајан Остин Грин, сега реагираше на веста за нивното раскинување.

„Не ни знаев“, изјавил тој за „ТМЗ“.

Потоа тој дознал дека Фокс пронашла пораки со други жени на мобилниот телефон на поранешниот партнер и затоа дека таа му раскинала.

„Колку години има? Тој има 30-тина, нели? Ти си во 30-тите, порасни. Таа е бремена“, рекол видно вознемирениот Брајан.

Брајан ѝ испрати поддршка на својата поранешна сопруга со која беше во брак од 2010 до 2021 година и со која има три деца.

„Јас само го сакам најдоброто за неа. Сакам најдобро за бебето. Сакам најдобро за нашите деца. Срамота е“, додал актерот.

Тој исто така рече дека му е „скршено срцето“ поради нивното раскинување бидејќи знаел дека Меган е многу возбудена поради бебето. Тој нагласи дека не знае што точно се случило меѓу Меган и Машин Ган Кели, но дека околностите биле „трагични“.

Да потсетиме, актерката на почетокот на ноември објави дека е бремена. Меган е веќе мајка на три деца со поранешниот сопруг Брајан Остин Грин, ги има синовите Ноа (10), Боди (9) и Џорни (6).

Меган и Машин Ган Кели започнаа да се забавуваат во 2020 година, по нејзиниот развод со Брајан Остин Грин. Тие наводно се зближиле за време на снимањето на „Midnight in the Switchgrass“. Тие се верија во јануари 2022 година.

ВИДЕО | Излезе трејлерот за новиот еротски трилер со Меган Фокс