Управата на Барселона на чело со претседателот Жоан Лапорта секојдневно се бори лошата финансиска ситуација, долгот на клубот изнесува 1.3 милијарда евра, а во исто време открива нови скандали што ги направила претходната управа која беше предводена од Хосеп Марија Бартомеу кој го доведе клубот на работ на банкрот.

Каталонското радио Кадена Сер денеска открива дека поранешниот претседател Бартомеу користел пари од клупската каса за да го брани својот имиџ на социјалните мрежи.

Имено, откриено е дека Бартомеу ангажирал Пи-Ар компании кои креирале лажни профили на социјалните мрежи со цел да ги бранат неговиот имиџ и работа од нападите на навивачите на Барселона, но и на дел од медиумите кои критички пишувале за него.

Полицијата во Барселона веќе отвори истрага за овој случај, а претходно беше објавено дека Бартомеу платил одредени новинари за да создадат позитивна медиумска слика за него.