Словенечкиот суд вчера донесе првостепена пресуда со која го ослободи Јанез Јанша, поранешен премиер на Словенијаод обвиненијата за злоупотреба на службената должност и корупција, објави Хина, повикувајќи се на Ројтерс.

Јанша, претседател на главната опозициска Словенечка демократска партија (СДС), го отфрли обвинението како обид да се отстрани од политиката пред општите избори во 2026 година.

И покрај фактот дека од самиот почеток беше јасна и видлива фарса, обвинителот побара две години затвор. Денешната победа е „во наводници„, нашата борба тука не е завршена, им рече Јанша на своите поддржувачи откако го напушти судот.

Стотици негови поддржувачи се собраа пред судот во Целје,  мавтајќи со државни знамиња и носејќи транспаренти, обвинувајќи го судството за корумпираност и пристрасност.