Поранешниот напаѓач на Манчестер јунајтед, Ентони Марсијал кариерата ја продолжи во Грција каде што ќе го носи дресот на АЕК.

Марсијал беше без клуб откако го напушти Манчестер јунајтед на крајот на минатата сезона. Како опција претходно се споменуваше бразилскиот Фламенго, но на крај се одлучи да игра во грчкото првенство.

Клубот не ги откри деталите околу трансферот, меѓутоа медиумите пренесуваат дека Марсијал е најплатениот играч во историјата на клубот и има плата од три милиони евра по сезона за соработка на три години.

Покрај Манчестер јунајтед, Марсијал во кариерата настапуваше уште и во Севиља, Монако и Лион каде што и за првпат заигра во сениорскиот фудбал. За репрезентацијата на Франција собра 30 настапи на официјални натпревари.