Поранешниот личен адвокат на Доналд Трамп, Мајкл Коен се извини на порно-ѕвездата Сторми Даниелс за болката, како што рече, што „и ја предизвикал додека работел за Трамп”, објави „Хил”.

– Историите на двајцата засекогаш ќе ни бидат поврзани со Доналд Трамп, но и една со друга. Ви благодарам што ми дадовте втора шанса, и порача Коен на Сторми во својот подкаст „Меа Кулпа“.

Коен рече дека жали за „непотребната болка” што и ја предизвикал на Даниелс, вклучително и за исплата на пари за кои адвокатот рече дека и ги дал во 2016 година во замена за нејзино молчење за наводна врска со Трамп неколку години претходно.

Даниелс, која оттогаш напиша книга за контроверзиите и ги обиколи стриптиз клубовите по скандалот, рече дека добила бројни закани и била мета на поддржувачи на поранешниот претседател по избивање на скандалот во јавноста.

– Мојата битка само што почна. Луѓето навистина се вознемирени и тие само уште повеќе ќе се лутат на мене, му рече Даниелс на Коен во нивниот прв разговор.

Таа додаде дека сака да се врати на својот живот пред скандалот.

– Ако можев да замавнам со волшебно стапче и да вратам сè назад како што беше порано, би го сторила тоа. Веќе загубив сè, му рече таа на Коен.

Даниелс, чие вистинско име е Стефани Клифорд, го тужеше Трамп за клевета, откако тој ги негираше нејзините обвинувања и шемата за плаќање „под маса”. Овој случај сè уште трае.

Коев во 2018 година беше осуден за лажење пред Конгресот, за затајување на данок и други обвиненија кои произлегле од плаќањата што ги извршил кјон Даниелс и други жени кои тврделе дека имале афера со Трамп.