Поранешниот француски фудбалер Патрис Евра донесе одлука да влезе во светот на боречките вештини откако ја заврши својата професионална играчка кариера.

Имено, Французинот објави дека својата прва борба во Професионалната лига на борци (ПФЛ) ќе ја има на 23 мај 2025 година.

Тој тренира од 2016 година со сонародникот Седрик Дамбе и е подготвен за нов предизвик во животот.

– Не можам да ви опишам колку возбуда создаде Патрис. Ќе видите на „Акор Арена“ кога ќе организираме историска ММА вечер – рече извршниот директор на ПФЛ, Пит Мареј.

Веќе имаше шеги за неговиот прв противник и навредливи зборови дека тоа треба да биде неговиот најголем непријател од фудбалскиот терен, Уругваецот. Луис Суарез. Серија од нивните конфликти се паметат, поради расизам, гризење, одбивање да се ракуваат, дуели на теренот…

„Ме прашаа кого сакам – реков дајте ми го Луис Суарез. Ќе платам за него од свој џеб. Можеби дури и ќе ме касне“, рече Евра со насмевка, пред да додаде:

„Играв на најголемата сцена во светот, го освоив секој голем трофеј во фудбалот, но ПФЛ Европа во Париз ќе биде неверојатна вечер за мене. Со години тренирам со најдобрите во светот и тие можат да ви кажат дека сум подготвен за ова. Ќе приредам шоу.“

View this post on Instagram

A post shared by PFL Europe (@pfleurope)