Поранешниот напаѓач на Арсенал и Јувентус, Никлас Бендтнер избегна сериозна повреда минатиот викенд при обид за напад со нож во Њујорк. Поранешниот дански фудбалер беше во САД со пријателите и бил виден како се шета низ Менхетен.

На видеото од блиските камери, потоа се гледа како маж трча во негова насока со нож во рацете.

Сепак, поранешниот дански репрезентативец успеал да избегне прободување, но неговиот пријател се здобил со повреди на лицето и увото и брзо му била укажана помош во болница. Бендтнер подоцна потврди дека тој навистина бил нападнатиот.

– Да, можам да потврдам дека сум на видеото. Дали можеше да бидам нападнат? Немам коментар за тоа, но можам да потврдам дека сум на видеото – изјави поранешниот дански репрезентативец.

Само еден ден по немилиот настан, полицијата го уапсила напаѓачот Џошуа Зинберг и го товари за напад и обид за убиство.

FULL STORY: https://t.co/Tn8IW6ajeo

— SPORTbible (@sportbible) November 26, 2024