Поранешната свршеница на Лиам Пејн откри: „Ми велеше дека ќе умре и дека нема уште долго да биде тука“
Маја Хенри, поранешната свршеница на Лиам Пејн, го обвини пејачот за опсесивно однесување само неколку дена пред неговата смрт. Таа покрена правна постапка против Пејн бидејќи, како што објасни, постојано ѝ праќал пораки и мејлови и ги малтретирал членовите на нејзиното семејство и пријателите.
Препорачано
Во понеделникот, на 14 октомври, нејзините адвокати му дадоа писмо на Пејн за да укажат на неговото наметливо и загрижувачко однесување.
„Ми праќа толку многу пораки што ќе ми пукне мобилниот. Користи други броеви, ѝ пишува на мајка ми, пријателите. Секогаш од други броеви на мобилни телефони. Прави нови профили. Секој пат кога ќе видам дека некој ми се појавува на телефонот си велам: ‘Еве сме повторно’“, изјави таа неодамна за „Дејли мејл“.
„Ми праќаше мејлови. Не само на мене, туку и на мајка ми. Дали ова однесување ви е нормално?”, додала таа.
Хенри го обвини Пејн дека ги поттикнувал неговите обожаватели да ѝ пишуваат лоши коментари, полни со омраза.
Неодамна Хенри гостуваше во поткастот „The Internet Is Dead“, каде што откри дека Пејн често зборувал за смртта.
„Откако раскинавме ми праќаше пораки дека не е добро. Секогаш си играше со смртта и ќе речеше: ‘Ќе умрам. Не ми е добро’“, рече таа и додаде дека смета таквите пораки биле негов обид да ја манипулира и да ѝ направи да се чувствува лошо откако се разделиле.
„Еднаш се обидов да му помогнам, а тој не прифати. Ѝ пишуваше на мајка ми: ‘Не сум добро, кажи ѝ на Маја да стапи во контакт со мене’, бидејќи не одговарав. Секогаш е истиот циклус“, рекла таа.
Во февруари, Хенри ја објави својата книга „Очекувајќи нешто добро“ („Looking Forward“), која е инспирирана од записите во својот дневник додека беше со Пејн.
Таа тврди дека пејачот ѝ се јавил на мајка ѝ по објавувањето на книгата и ѝ рекол: „Нема да бидам тука ште долго“.
„Не си играм со смртта. Ако ми го кажеш тоа, ќе се обидам да ти помогнам без оглед на тоа што си направил. Мислам дека ја искористи љубезноста на моето семејство“, додала Хенри.
Да потсетиме, Лијам Пејн и Маја Хенри беа во врска од 2019 до 2022 година, двапати се свршија и раскинаа. После тоа, Пејн влезе во љубовна врска со инфлуенсерката Кејт Кесиди.
Британскиот пејач, кој беше поранешен член на групата „Уан дајрекшн“, почина вчера на 31-годишна возраст откако паднал од третиот кат на хотел во Буенос Аирес.
Сведоци тврдат дека несреќата се случила малку пред 17 часот (по локално време). Околностите на смртта не се познати, но изворите наводно велат дека тој се однесувал „непредвидливо“ во лобито на хотелот претходно истиот ден и го скршил својот лаптоп.
