Канадскиот премиер беше во брак 18 години, но во септември 2023 година беше објавено дека бракот на Џастин Трудо и неговата сопруга Софи Грегоар Трудо се распаднал. Софи одлучи да проговори за животот по разводот, откривајќи како гледа на пропадниот брак.

Поминаа седум месеци откако на инстаграм-профилот на канадскиот премиер Џастин Трудо се појави веста за разводот на неговиот долгогодишен брак со Софи Грегоар Трудо, една од најпознатите и според многумина најинтересните први дами во светот. Иако Софи живееше во сенката на својот сопруг, таа сега е подготвена да проговори за својата вистина и наскоро ќе објави мемоари.

Во своите мемоари „Поблиску заедно“ (Closer Together), Софи ќе открие повеќе за своето потекло и интересите, како и за бракот со канадскиот премиер, со кој беше еден од најпознатите политички тандеми кои се залагаа за идеи како што се правата на геј заедницата и правата на жените.

Меѓутоа, на јавноста ѝ беше познато дека парот посетувал терапевт за брачно советување, а и самиот Трудо во своите мемоари од 2014 година признал дека нивниот брак имал многу подеми и падови.

„Дали е тоа моја вина? Дали е тој виновен? Има многу обвинувања додека се обидуваме да ги излекуваме или потврдиме нашите емоции“, изјавила Софи за „Вог“, додавајќи дека разводот на бракот го гледа како реорганизација на семејството.

Таа објаснила дека модерните семејства имаат тенденција да се реорганизираат, што го смета за подобро од целосно прекинување на врските. Така објаснила дека таа и нејзиниот сопруг ќе ја продолжат својата врска во смисла на семејна поврзаност, но повеќе не ги поврзува љубов, па затоа и ја прекинале романтичната врска.

– Немаме дури ниту родителски план за делење. Се придржуваме на распоредот на децата и комуницираме. Можете да се излекувате без омраза, без поделби, без обвинувања. Не сум совршена. За танго се потребни се двајца и мислам дека и двајцата го признаваме тоа – раскажала таа, објаснувајќи како заедно ги поминале и летните и зимските празници.

– Наместо да имаме ист пат, тоа се паралелни патишта. Паралелни патишта со семејството се можни кога постои љубов и почит. И понатаму можете да се храните еден со друг на различни начини – рекла Софи, која заради својот сопруг ја напуштила сопствената кариера.

Иако Џастин ги охрабруваше жените во бизнисот, придонесот на неговата сопруга во неговата кампања беше дочекан со многу општествени осуди.

Читајќи го интервјуто во „Вог“, врската на овие поранешни сопружници изгледа речиси идилично, но самата Софи се осврнала на наводите за својата нова љубовна врска со докторот Маркос Бетоли.

– Мошне помалку ме интересираат озборувања отколку кога бев тинејџерка. Мислам дека тоа е целосно губење време, а на луѓето им посакувам сè најдобро – рекла таа, додавајќи дека и таа е сепак само човек.

– Мислам дека е важно секоја жена да има чувство на независност, да има чувство дека можеме да се регулираме без партнер, дека можеме да бидеме толку добри родители. Не можам да кажам дека сето тоа го решив – заклучила Софи.

Канадскиот премиер Џастин Трудо се раздели од сопругата Софи

Љубовната приказна на Софи и Џастин Трудо: Прво ѝ го игнорирал мејлот, но потоа сфатил дека таа му е судена