Манекенката и актерка Џулија Фокс откри дека еднаш отишла во купување и потрошила речиси 70.000 долари – на сметката на своето поранешно момче.

Во интервју за „Сандеј тајмс“, таа раскажа која е најскапата работа што некогаш ја купила.

„Ја искористив картичката на моето момче во манична состојба, потрошив 68.000 долари за една ноќ и купив стотици парчиња од ‘Шанел’, ‘Ив Сен Лоран’, ‘Пучи’, ‘Миглер’, ‘Кристијан Лакроа’, ‘Александар Меквин’ и ‘Версаче’“, изјавила таа.

Но, Фокс не задржала ништо од купеното на крајот.

„Морав сè да распродам кога ме остави“, признала таа.

Фокс има бурен љубовен живот. Порано беше во брак со пилотот Питер Артемиев, но се разделија по помалку од две години. Заедно го имаат синот Валентино.

Пред три години беше во центарот на вниманието поради врската со Канје Вест, а по нивната разделба изјави дека е хомосексуалка.