Претседателот на Народното движење на Србија, Мирослав Алексиќ, на социјалната мрежа X објави дека Марта Арсовска Томовска, поранешна министерка во владата на Никола Груевски во Македонија, е назначена за комесар на Експо 2027 во Србија. Алексиќ го оцени нејзиниот ангажман како симбол на „корумпиран проект со кој владата во Србија ги расипува јавните пари“, објави Nova.rs.

Според него, организацијата на Експо 2027 е „катастрофална за државата и корисна само за корумпираниот режим“.

„Додека државата нема пари за здравство, образование, земјоделство и социјална заштита, се троши огромна сума на овој проект, за елитата на Вучиќ да може да украде повеќе јавни пари пред да падне од власт“, напиша Алексиќ на X.

Тој додава дека значителни средства биле потрошени за лобирање – за Србија да стане домаќин на Експо и подоцна за другите земји да одлучат да учествуваат.

EXPO ‼️
Katastrofalan za državu, koristan za korumpiran režim‼️
Dok država nema para za zdravstvo, prosvetu, poljoprivredu, socijalu, novac se baca u ovaj koruptivni projekat kako bi Vučićeva elita pokrala još narodnog novca pre nego što padnu sa vlasti‼️

Ogroman novac je… pic.twitter.com/EXeCOMBwLA

— Miroslav Aleksic (@MiikiAleksic) October 3, 2025

Една од клучните фигури во целиот проект, според Алексиќ, е токму Арсовска Томовска. Тој посочи дека против неа биле спроведени истраги во Македонија. По падот на Груевски, Томовска се преселила во Србија, каде што станала советник во кабинетот на премиерката Ана Брнабиќ за реформа на јавната администрација, а подоцна била назначена за комесар на Експо 2027.

Алексиќ, исто така, го потенцираше и нејзиното, како што рече, блиско поврзување со Сузана Васиљевиќ, тврдејќи дека Томовска била обвинета во Македонија за учество во „прилагодување на избирачкиот список“.

„Овој македонски граѓанин е важен дел од системот на Вучиќ, за кој малку се знае, но очигледно е дека тие собрале експерти за кражба од регионот“, изјави Алексиќ.