Горан Силјановски (31) е најновото засилување на Брегалница Штип за новата сезона во Првата македонска фудбалска лига.

Штипските „сини“ официјално потпишаа договор со крилниот дефанзивец кој доаѓа од редовите на еден од најтрофејните албански клубови Динамо Тирана, каде настапуваше изминативе две сезони.

Силјановски претходно во својата кариера има настапи и за Македонија ЃП, Вардар, Тетекс, Ренова и Работнички во македонскиот шампионат.

Низ својата богата кариера, во која има и бројни трофеи на домашната сцена, има и 21 настап за младата репрезентација, како и четири официјални настапи за А-репрезентацијата на Македонија.

Низ досегашниот преоден рок Брегалница се засили и со долгогодишниот капитен на Борец, фудбалерот од средниот ред Ѓорѓи Ѓорѓиев, левокрилниот дефанзивец Александер Борха Кордоба како и црногорскиот голман Немања Шчекиќ.

По неколкудневните тренинзи во Штип, комплетниот тим предводен од тренерот Илчо Ѓорѓиоски веќе го одработи првиот тренинг во Пехчево, во спортскиот комплекс „Гогов“, каде ќе остане до 5 јули, а планирано е одигрување и на еден пријателски натпревар во овој период.

По неколкудневните тренинзи во Штип, од денеска комплетниот тим веќе го одработи првиот тренинг во Пехчево, во спортскиот комплекс „Гогов“, каде ќе се остане до 5. јули а планирано е одигрување и на еден пријателски натпревар во овој период.