Поранешниот еврокомесар за правда, Дидие Рајндерс, е под истрага на белгиските власти поради сомнеж за перење пари, потврди портпаролката на обвинителството во Брисел, Ане Чунјанс.

Истрагата беше покрената во 2023 година по извештаите на Белгиската национална лотарија и Управата за финансиско разузнавање (CFI), објави Ројтерс.

Детали за сумата на пари и периодот опфатен со апликациите не беа објавени, а Рејндерс не можеше да се контактира, пишува медиумот.

Рејндерс беше министер за финансии и министер за надворешни работи на Белгија од 1999 до 2019 година, а од 2019 до минатиот месец комесар за правда во Европската комисија.

Портпаролот на ЕУ Балаш Узвари рече дека белгиските власти не контактирале со ЕУ за време на мандатот на Рајндерс.

Тој додаде дека комесарите уживаат ограничен имунитет за службени активности, а сите актуелни членови на Комисијата одлучуваат за евентуалното укинување на тој имунитет, пренесува Танјуг.