Освојувачот на Купот на Македонија, екипата на Тиквеш во четврток ќе го игра натпреварот од квалификациите за Конференциската лига против Бреидбалик од Исланд.

Европската куќа на фудбалот денеска одлучи да го промени првичниот термин за одигрување на овој натпревар. Натпреварот останува закажан за истиот ден, но место во 17:00 часот, ќе се игра во 20:30 часот. Причина за поместувањето на терминот се високите температури овие денови во главниот град.

Билетите за натпреварот на Арената „Тодор Проески“ се пуштени во продажба по цена од 200 денари, додека ВИП билетите може да се купат за цена од 500 денари.