Поради високите температури и активната портокалова фаза во земјава, Владата на вчерашната седница донесе мерка од денеска да се прогласи забрана за движење во шумите.

На предлог на Министерството за земјоделство, шумарство и водостопанство, Владата ги задолжи корисниците, односно стопанисувачите со државни шуми, согласно Законот за шумите, да прогласат забрана за движење во шумите, по добиена претходна согласност од надлежното министерство, што ќе се операционализира од утре, 17 јули 2023 година (понеделник) – се вели во соопштението.

Забраната важи и за движења во националните заштитени подрачја Јасен, Маврово, Попова Шапка и Пелистер. На подрачјето на Водно каде нема забрана за движење, се предвидени редовни контроли.