Португалскиот стратег Жозе Мурињо во Турција пристигна со желба да освојува титули, но во првенството не му оди баш се според планот, а често пати го изнесува и своето незадоволство поради судењето.

Неодамна, Мурињо побара и дербито против Галатасарај да го судат странски арбитри, а Турците прво даваа силен отпор, но потоа се согласија на неговата идеја.

Галатасарај се уште е без пораз, меѓутоа нивните натпревари ги следеа бројни контроверзии кои го натераа Мурињо жестоко да реагира, а на крајот тие негови реакции и вродија со плод.

„Не сакаме да ги доведеме нашите судии во тешка позиција и поради ќе ангажираме странски судии од највисок ранг за дербито“, најави претседателот на Фудбалската федерација на Турција, Хациоосманоглу.