Општина Центар донесе решение со кое на кафе-барот „Интермецо“ му забранува да врши угостителска дејност во законски определен рок од 30 дена.

– По пријава и континуирани поплаки од жителите на Општина Центар, констатирано е дека локалот и правниот субјект „Интермецо“ ги надминал пропишаните гранични вредности на имисионото право на бучава, информираат од Центар.

Оттаму објаснуваат дека на правното лице веќе му е изречена глоба во износ од 6.000 евра, но поради повторно непочитување на законските одредби, на кафе-барот му се изрекува забрана за вршење дејност.

Од Општината апелираат до сите угостителски објекти да го почитуваат Законот за заштита од бучава во животната средина и да се придржуваат до пропишаните правила и прописи за дозволеното ниво на децибели.