Девет училишта и денеска добиле закани за поставена бомба. Од МВР за МИА потврдија дека попладнево околу 14 часот во СВР Скопје е пријавено дека на меил адреси на девет училишта во Скопје е упатена закана за поставена бомба.

Веднаш по добиената пријава, од полициски службеници се преземени мерки за безбедно евакуирање на училиштата.

Во тек се антитерористички проверки и се преземаат мерки за расчистување на случајот.

Вчера, исто така, по мејл осум скопски средни училишта добија закани за подметнати бомби. По направените проверки утврдено беше дека станува збор за лажни пријави.