После првото полувреме во Арената Вараждин македонската сениорска машка ракометна репрезентација во рамките од второто коло во прелиминарната фаза на Светското првенство има негатива од „минус три“ против Холандија (15:18).

Избраниците на селекторот Кирил Лазаров имаат повторно голема поддршка од трибините.

Како и на дуелот против Унгарија, така и овојпат нашите најдобри ракометари на мечот против „лалињата“ влегоа без страв и со голема борба пристапија кон голем резултат.

На спротивната страна најголемото „оружје“ на Холандија беше брзата транзиција која ни правеше проблеми.

Двете селекции се менуваа во водство, разликата не одеше повеќе од 1-2 голови разлика. Држевме егал до последните пет минути кога непотребно влеговме во низа грешки. Водевме со 13:12, но потоа Холанѓаните влегоа во серија од четири погодоци и на пауза отидоа со водство од 18:15.

Кузмановски со четири погодоци е најефикасен во нашата селекција.