Половина од  американскиот Сенат – 25 републиканци и 25 демократи – ги здружија силите за да воведат санкции против Русија доколку таа одбие да се вклучи во преговорите насочени кон воспоставување мир со Украина.

Главните спонзори на законот, републиканскиот сенатор Линдзи Греам и демократскиот сенатор Ричард Блументал, вчера изјавија дека ќе воведат примарни и секундарни санкции за Русија и субјектите кои ја поддржуваат руската агресија во Украина, доколку Москва не биде вклучена во преговорите или ако таа го поткопа суверенитетот на Украина по постигнување каков било мировен договор, објави Ројтерс.

„Санкциите против Русија бараат воведување царини за земјите кои купуваат руска нафта, гас, ураниум и други производи“, се вели во соопштението на двајцата сенатори.