Во рамки на голема полициска акција во Србија, уапсен е Синиша Јокиќ, чичкото Никола Јокиќ. Тој е еден од осомничените за трагедијата што се случи при уривањето на настрешницата на железничката станица, при што животот го загубија 14 лица, меѓу кои и македонскиот државјанин Васко Саздовски.

Синиша Јокиќ, инаку историчар и добро познато име во јавниот живот на Нови Сад, исто така е поранешен директор на Заводот за заштита на споменици во градот. На таа функција беше од 2016 година, а оставка поднел само четири дена пред кобниот инцидент во октомври 2024 година.

По неговото апсење, со изјава за белградскиот весник „Блиц“ се огласи неговиот адвокат Радомир Мунижаба, кој истакна:

„Господинот Синиша Јокиќ е обвинет за злоупотреба на службена должност. Тој е задржан во притвор од 48 часа, по што ќе биде изнесен пред судот за организиран криминал во Белград“, изјави Мунижаба.

Во акцијата, освен чичкото на Јокиќ биле приведени и уште неколку лица поврзани со случајот.