Полицијата уапси двајца мажи од Свети Николе во четвртокот, откако во автомобил пронашла 392 таблети од опиоидот бупренорфин, а се испостави дека едниот од нив бил на седумчасовно отсуство од затвор.

„На 2 октомври 2025 година во с.Скачковце, кумановско, полициски службеници ги лишија од слобода 45-годишниот Ј.С.(45) и 29-годишниот М.М., двајцата од Свети Николе. При контрола на патничко возило ‘пежо’ со светиниколски регистарски ознаки, кое го управувал Ј.С., а сопатник бил М.М., кај М.М. се пронајдени и одземени 14 кутии или 392 таблети бупренорфин,“ соопшти полицијата.

Подоцна полицијата утврдила е дека М.М. издржувал затворска казна во затворот „Штип“ и дента бил пуштен на седумчасовно отсуство.