Битолската полиција денеска на улицата „Димитар Илиевски Мурато“ во градот го уапсила Ариф Алили, затвореникот за кој ВМРО-ДПМНЕ обвини дека избегал на пет месеци пред истек на казната.

Тој бил осуден на казна затвор од три години, а бил баран по наредба на Казнено-поправната установа „Затвор Скопје“ поради бегство од затворот. Лицето е спроведено во установата за доиздржување на казната, се вели во соопштението од МВР.

Претходно, реакција на ВМРО-ДПМНЕ имаше од Затворот „Скопје“.

Најпрво укажуваме дека директорот Филип Андов раководи со институција – затвор, а не со логор. Тоа би значело дека сите права кои им следуваат на затворениците мора и им се овозможени, согласно законите и правилниците на затворот, а донесени од законодавецот, Собранието односно Министерството за правда, реагираат од Казнено-поправната установа „Скопје“.