Полицаец во Велес вчера предизвикал инцидент кој можел да биде многу опасен, кога при преглед на автоматска пушка, таа му испукала во раце, а куршумот завршил во таванот од просторијата.

– Вчера во 12.30 часот во просторијата за технички преглед во СВР Велес, полициски службеник од Полициската станица Велес, при технички преглед на лично и формациско оружје, од автоматска пушка испукал еден куршум во таванот на просторијата, во која биле уште двајца полициски службеници, информираат од МВР.

Полицијата соопшти дека нема повредени лица, а за настанот бил известен Одделот за внатрешна контрола, криминалистички истраги и професионални стандарди.