Грчката полиција соопшти за шокантен случај на семејно насилство и сексуално изживување – полицаец е осомничен за малтретирање и физичко насилство врз сопругата и силување на сопствените деца. Случајот открива години на трауми, манипулации и систематско насилство.

Тој е под сомнение дека најмалку осум години физички и сексуално ги малтретирал сопругата, која исто така била полицајка и нивните четири малолетни деца. Пријавата против него таа ја поднела на крајот на ноември. Во изјавата, рекла дека сопругот, кој на социјалните мрежи се претставувал како прекрасен татко, дома бил монструм. Жената открила дека сопругот-монструм почнал да ги силува трите ќерки кога имале само пет години, а го принудувал и синот на инцест. Во шокантното сведочење, таа изјавила дека сопругот со ќотек ја терал и нејзе да се изживува над децата и да им прави најгрозоморни работи, пишува „Катимерини“.

Медиумите, повикувајќи се на свои извори, пишуваат дека жената се обидела да го пријави сопругот за насилство уште во 2016 година,кога тој бил во болница во животна опасност. Таа наводно му се доверила на пријател дека сопругот ги тепа и неа и децата, а кога тој излегол од болницам на пријателот му рекла дека ако дознае дека го пријавила, може да ја убие.

Уапсениот полицаец работел како обезбедување во Парламентот, а колегите верувале дека е семеен човек, добар сопруг и татко, иако слушнале дека има одредени психички проблеми, поради кои кои извесно време не смеел да носи оружје.

По притворот кој му е одреден, полицаецот-монструм ѝ рекол на мајка му дека ќе се самоубие, поради што итно бил пренесен во психијатриското одделение на воената болница. Според портпаролот на полицијата, децата на распитот ги потврдиле сите изјави на мајката. Според медиумите, осомничениот за време на рочиштето негирал сѐ, а не се знае дали ќе биде обвинета и неговата сопруга која учествувала во насилствата и долги години ги криела.