Полицаец од Велес, незадоволен од тоа што автомобил кој го купил на старо му се расипал, отишол да му се заканува на автомеханичарот кој му го продал, соопшти МВР. Насилниот полицаец ќе одговара за загрозување на сигурноста.

„С.А. на 31.08.2025 со намера да вознемири или заплаши сопственик на сервис за продажба и поправка на возила од кого купил половно возило, и за кое добил гаранција дека е во исправна состојба, но кратко време по продажбата при управување настанал дефект, му упатил закани на него и на членови од неговото семејство“, пишува во полициското соопштение.

На Од страна на ПС ОН Велес на полицискиот службеник С.А. одземено му е службеното оружје со кое бил задолжен, а Одделот за внатрешна контрола криминалистички истраги и професионални стандарди ќе поднесе предлог за поведување на постапка за кршење на работниот ред и дисциплина и ќе изрече задолжителни мерки отстранување од работното место до завршување на дисциплинската постапка.