Полагањето на возачки испит може да биде доста стресно, а цените и тешкотијата за полагање зависат од државата. Порталот „Зутоби“ направи истражување и објави листа на земји во кои е најтешко и најлесно да се положи возачки испит.

Земјата со најлесниот возачки испит во светот е Индија. За возачите да добијат возачка дозвола, сѐ што треба да направат е да возат право и да свртат.

„За време на возачкиот испит во Индија, кандидатите треба само да возат право, да свртат лево и да застанат по 45 метри за да положат“, објаснуваат тие на страницата. Така, тестот е многу едноставен и стапката на полагање е исклучително висока. Но, со повеќе од 10 милиони возачки дозволи кои се издаваат во Индија секоја година, полагањето на тестот во најнаселената земја во светот следи посебни правила.

Имено, Индија ги има најсмртоносните патишта во светот. Во 2011 година на патиштата биле регистрирани речиси 74 милиони возила, а во сообраќајот годишно гинат 196.000 луѓе.

Поради огромната гужва и опасностите на патиштата, кандидатите полагаат возачки испити на приватни тест патеки или на паркинзи. Покрај краткиот возачки испит, учесниците мора да имаат најмалку девет точни одговори на писмен тест составен од 20 прашања, а цената на возачкиот испит е само 1,20 евра.

Од друга страна, порталот наведува дека Хрватска е земјата каде што е најтешко да се положи возачки испит. Тие наведуваат дека 85 часа возење е задолжителен дел од полагањето на возачки испит во Хрватска (задолжителниот дел е 35 часа, напомена), што го прави неверојатно скап (околу 1100 евра).

Имено, тие објаснија дека просечната цена на тестирањето во светот е 127 евра, а Хрватите треба да плаќаат во просек 991 евро повеќе од повеќето земји.