Годишниот принос на мед во Босна и Херцеговина изнесува две илјади тони, а во оваа сезона тешко ќе се постигне, поради лошото време кое ги следи пчелите. Поради ова, но и инфлацијата, дел од производителите најавуваат евентуално поскапување на медот, за годинава да не направат загуба.

Тешката пролет, но и летото во контекст на временските услови, доведоа до тоа пчеларите да ги хранат своите пчели работници, одржувајќи ги во живот, кога не успеваа да соберат доволно храна на пасиштата.

Приносите се исклучително слаби, а тешко дека ќе се постигне годишно производство од две илјади тони, како што беше во претходните години. Сето ова може да резултира со дополнително поскапување на медот, што се најавува во одредени региони од земјата, пишува Кликс.ба.

Покрај хемиските промени, неконтролираната употреба на пестициди доведува и до пад на пчеларството. Цената на тегла мед станува се понедостижна за мнозинството просечни потрошувачи од БиХ поради поскапувањето на суровините, а локалните пчелари најавуваат дека може да достигне цена и до 30 конвертибилни марки за килограм.

Според моментално достапните податоци, во ФБиХ се регистрирани меѓу четири и пет илјади пчелари, со речиси 400 илјади пчелни кошници, но се претпоставува дека ги има двојно повеќе бидејќи не се сите запишани во официјалната евиденција. Босна и Херцеговина бележи годишно производство на мед од две илјади тони, додека потрошувачката е двојно поголема.