Погребот на Ален Делон ќе се одржи в сабота, сакал да биде погребан на својот имот
Легендарниот актер Ален Делон, кој почина на 88-годишна возраст, ќе биде погребан в сабота, изјави за АФП католичкиот свештеник.
Препорачано
Тој не прецизираше место или време на церемонијата, но француските новински канали „Си њуз“ и БФМТВ соопштија дека ќе се одржи во 17:00 часот во Души-Монкорбон, село во централна Франција, каде Делон имал имот опкружен со високи ѕидови и каде ги поминал последните години.
Погребот ќе го води Жан Мишел ди Фалко, поранешен бискуп кој го познавал актерот.
Делон рекол дека не сака национален меморијален настан, само неколку пријатели, како и дека сака да биде погребан во близина на своите кучиња на својот имот во Дучи. Меѓутоа, за ваков погреб на приватниот имот потребна е посебна дозвола од локалните власти. Не е јасно дали е дадено такво овластување.
Славниот француски актер Ален Делон почина во неделата на 88-годишна возраст, а една од неговите последни желби беше да биде погребан со омиленото куче.
Имено, познатиот актер бил многу приврзан за својот белгиски овчар Луба, кој навлегол во 10-тата година, која се смета за доцна возраст за кучињата. Поради оваа причина, Ален побарал од своето семејство, веднаш по неговата смрт, да го успијат и да го погребаат со него.
Меѓутоа, кога се дознало за неговата желба, активистите за правата на животните организирале протест, поради што семејството Делон решило да ја игнорира последната желба на Ален и да го остави кучето да живее.
Активистите дури понудиле да најдат нов дом за кучето на Делон доколку семејството повеќе не сака да се грижи за него, но семејството се спротивставило на тоа и одлучило кучето да остане со нив до крајот на животот.
– Штотуку разговарав со Анушка Делон (ќерката на Ален Делон) и таа ми рече дека нема да го направи тоа, дека Лубо е дел од семејството и дека ќе го чуваат. Кучето нема да биде евтаназирано – изјавила портпаролката на фондацијата Брижит Бардо, објави „Гардијан“.
Почина Ален Делон, легендата на француската и светската кинематографија
Семејството на Ален Делон одби да ја исполни бизарната последна желба на актерот
