Советникот на украинскиот претседател Михаило Подољак реагираше на обвинувањата од страна на руската Федерална служба за безбедност (ФСБ) која тврди дека украинските специјални служби се оние кои стојат зад убиството на руската новинарка и политиколог Дарија Дугина. Тој изјави дека „руската пропаганда живее во измислен свет“.

– Руската пропаганда живее во измислен свет. Според нив, Украинка и нејзиното 12-годишно дете се виновни за кревањето во воздух на автомобилот на пропагандистот Дугина. Изненадувачки, не нашле естонска виза на лице место – објави Подољак на Твитер.

Како што наведе тој, „отровните змии во руските специјални служби започнаа борба меѓу себе“.

Ru-propaganda lives in a fictional world: ?? woman and her 12-year-old child were "assigned" responsible for blowing up the car of propagandist Dugina. Surprisingly, they did not find the "Estonian visa" on the spot. Vipers in ?? special services started an intraspecies fight.

— Михайло Подоляк (@Podolyak_M) August 22, 2022

Руската Федерална служба за безбедност претходно соопшти дека зад убиството на Дугина стои украинската државјанка Наталија Вовк, која во Русија пристигнала на 23 јули 2022 година заедно со нејзината ќерка.

Според руската ФСБ, по убиството двете заминале во Естонија, преку регионот Псков, пренесе Интерфакс.

Руската ФСБ откри кој стои зад убиството на Дарија Дугина