Основното обвинителство во Белград поднесе обвинение против лидерот на српската партија Двери, Бошко Обрадовиќ.

Обвинителниот предлог е поднесен и против уште три лица заради насилство врз министерот за здравство, Златибор Лончар и пратеникот Маријан Ристичевиќ пред Собранието на осми мај оваа година.

Обрадовиќ и останатите лица се обвинети за кривично дело насилничко однесување. Покрај Обрадовиќ, обвинети се и Давор Ѓурѓевиќ, Марко Ѓурѓевиќ и Славиша Милетиќ, објавено е на сајтот на обвинителството.

Обвинителството бара од судот обвинетите да ги прогласи за виновни и да им изрече затворски казни. Тие се обвинети дека со дрско и безобразно однесување се обиделе да ги спречат Лончар и Ристичевиќ да влезат во Собранието, додека други пратеници влегувале.

Обрадовиќ и останатите осомничени, на сослушувањето негирале извршување на кривично дело, наведувајќи дека немало физичка пресметка ниту желба за тоа, туку дека тоа било политички протест на четири пратеници на српското движење Двери.