На местото на падот на хеликоптерот во кој на 26 јануари 2020 година загинаа Коби Брајант, неговата ќерка Џиана и уште седум лица, е поставен споменик на легендарниот НБА кошаркар и ќерка му.

Креатор на скулптурата висока 122 сантиметри и тешка 73 килограми е Дан Медина, а на неа се испишани и имињата на сите жртви и има порака „Хероите доаѓаат и си одат, но легендите се вечни“.

Креаторот скуптурата изјави дека ова е привремен споменик и ќе го тргне утре, но се надева дека градот Лос Анџелес ќе му дозволи да постави нов и поголем.

Засега не е познато дали креаторот се консултирал со сопругата на Коби, Ванеса Брајант и семејствата на останатите жртви бидејќи за поставување на траен споменик ќе биде потребна и нивна согласност.