Основното Јавното обвинителство Скопје поведе подготвителна постапка против 14-годишникот кој со уште две деца фрлале петарди кај Расадник и предизвикаа пожар.

-Јавен обвинител од Основното јавно обвинителство Скопје до судијата за деца во Основниот кривичен суд Скопје поднесе барање за поведување подготвителна постапка спрема дете во судир со законот кое презело дејствија кои со закон се предвидени како кривично дело – Предизвикување општа опасност по член 288 став 1 од Кривичниот законик – велат од ОЈО Скопје.

Другите две деца, бидејќи не наполниле 14 години не подлежат на кривична одговорност.

Во пожарот, кој зафати околу три хектари површина, како што информираа од Скопската противпожарна единица, опожарена е сува трева, грмушки, автомобилски гуми и дрва. Во гаснењето интервенирале осум противпожарни возила и 15 пожарникари, нема повредени лица, а е причинета материјална штета.

Ангелов: Горат дрвја и грмушки во скопски Расадник, граѓаните да не се вознемируваат