Соработката и активностите во рамки на Стратешкиот дијалог, регионалните актуелности, поддршката за постигнатиот договор меѓу Косово и Србија, како и политичките состојби во земјава беа тема на разговорите на министерот за надворешни работи Бујар Османи со државниот секретар на САД, Ентони Блинкен и советникот на Стејт департментот, Дерек Шоле.

Како што соопшти МНР, во разговорите што се одржале на маргините на министерскиот состанок на НАТО во Брисел, Шоле и Блинкен изразиле силна поддршка за евроинтегративниот процес на Северна Македонија што е споделен стратешки интерес на Северна Македонија и САД и влог во целокупната регионална стабилност.