Денеска ќе продолжат натпреварите од осминафиналето во фудбалската Лига на шампионите, а дербито се игра во Минхен, каде Баерн го пречекува Баер Леверкузен.

Интересно, ова е седми натпревар на Чаби Алонсо против неговиот поранешен клуб, а никогаш нема пораз од Баерн Минхен.

Чаби Алонсо во досегашните шест средби против Баерн забележа три победи и три ремија. Последен пат нерешено беше пред само три недели, во Леверкузен кога беше 0:0.

На тој дуел Баер беше многу подобар и поблиску до победа, но Баерн успеа да остане непоразен.

Тука има уште еден неверојатен податок – Баерн Минхен последен пат го совлада Баер Леверкузен на 30 септември 2022 година со 4:0 и тоа со Јулијан Нагелсман.

За Баерн тогаш играа: Нојер, Павар, Упамекано, Де Лихт, Дејвис, Кимих, Сабицер, Сане, Мане, Милер и Мусиала. На клупата за резерви беа Гнабри, Горецка, Чупо-Мотинг, Гравенберх и Мазрауи.

Оттогаш, од март 2023 година до денес, Леверкузен со Чаби Алонсо не знае пораз од Баерн.

Во ЛШ од 18.45 часот Феенорд е домаќин на Интер, додека од 21.00 часот се среќаваат Баерн Минхен – Баер Леверкузен, Бенфика – Барселона и ПСЖ – Ливерпул.