Почнува националната кампања за бесплатен скрининг за хепатитис и ХИВ
Министерството за здравство, во соработка со Хепар Центар-Битола и клиниките за гастроентерохепатологија и инфективни болести, денеска ја започнува националната кампања за бесплатен и анонимен скрининг за хепатитис Б, хепатитис Ц и ХИВ, како и еластографија за хронични заболувања на црниот дроб.
Препорачано
По повод Светскиот ден за борба против хепатитисот, од 10 до 13 часот на плоштад „Македонија“ во Скопје е поставена мобилна единица од која започнува оваа јавноздравствена акција. Скринингот е целосно бесплатен, анонимeн и достапен за сите граѓани.
Националната кампања ќе се реализира во вкупно 10 градови, со цел подигнување на свесноста за сериозни црнодробни болести, како што се хепатитис, цироза, замастување на црниот дроб и црнодробен карцином.
Термини и локации на скринингот:
Куманово: 25 јули, 18:00–20:30
Тетово: 30 јули, 10:00–12:30
Гостивар: 30 јули, 18:00–20:30
Струга: 1 август, 10:00–12:30
Охрид: 1 август, 18:00–20:30
Битола: 4 август, 10:00–12:30
Прилеп: 4 август, 18:00–20:30
Штип: 6 август, 10:00–12:30
Гевгелија: 6 август, 18:00–20:30
Министерството за здравство ги повикува граѓаните активно да се вклучат во кампањата, со цел рано откривање и превенција на болести на црниот дроб.
