На Петроварадинската тврдина во Нови Сад почна 24-тото издание на Егзит, повеќенаградуван меѓународен летен музички фестивал, кој се одржува од 11 до 14 јули, а каде што се очекуваат повеќе од 1.000 изведувачи од регионот и од целиот свет.

Во годината во која го прослави својот 24-ти роденден, Егзит ги поместува границите, па покрај четирите регуларни денови се одржува и нулта – Денот 0.

Фестивалот ќе го одбележат најголемите ѕвезди на светската музичка сцена, а различноста на жанровите ќе го направи овој Егзит посебен.

Нулта денот, првиот ден од фестивалот, е во знакот на роденденот на Никола Тесла, со слоганот „Заедно да ја разбудиме нашата супермоќ“, а музичката програма ја предводат Бејби Лазања, хрватскиот претставник на Евровизија, и водечките уметници на новата генерација со американската поп-ѕвезда Инико, Бурак Џетер, чиј специјален гостин е Димас Кудаиберген, а настапуваат и Алисон Вондерленд и српската претставничка на Евровизија Теја Дора.

На МТС Денс арена ќе настапат Карл Кокс, Бонобо, Блек Кофи, Мацео Плекс, како и предводниците на техно и хаус сцената на новата генерација.

Музичката авантура што го одбележува летото годинава почна од новосадската плажа Штранд, со настапот на холандскиот диџеј Вин Хоф. Церемонијата на отворање ја предводи човекот што го скроти студот и го подреди на своето ментално и физичко здравје.

Во Нови Сад се пополнети сите туристички и хотелски капацитети, а на најпопуларната плажа во Нови Сад на Дунав веќе се поставени околу 70 шатори каде што престојуваат посетители од целиот свет, но и домашни туристи и гости од околните земји.

Фестивалот Егзит се одржува до 14 јули со настап на изведувачи како „Блек ајд пи“, диџеј Карл Кокс, гитаристот Том Морел и многу други.

Организаторите очекуваат да биде соборен рекордот од 200.000 посетители.