Политичар од САД беше реизбран на неодамнешните избори и покрај тоа што почина минатиот месец.

Демократот Тони Де Лука почина од лимфом на 9 октомври, премногу блиску до изборите за да се смени гласачкото ливче или да се постави друг кандидат на негово место. Затоа, тој е реизбран на истата функција во Пенсилванија, пишуваат американските медиуми.

Тој го победи противникот Квеонија Ливингстон, освојувајќи повеќе од 85 отсто од гласовите. Се верува дека некои гласачи можеби не знаеле дека Де Лука умрел. Поради оваа непријатна ситуација следниот месец ќе се одржат вонредни избори.

Де Лука почина на 85-годишна возраст, откако веќе двапати се бореше со лимфом.